Irakurtzen ikasten duten umeentzako oparia
Etxeko txinienak irakurtzen ikasiko du aurten? Ba, sorte handia izateaz gain opari bat dauka bere zain udal liburutegian.
Urtero bezala, Liburuaren Nazioarteko Eguna ospatzeko, Trapagarango Kultura Sailak eta Udal Liburutegiak, Eusko Jaurlaritzako Kultura Sailaren laguntzarekin, zorionak ematen dizkiete ikasturtean zehar irakurtzen ikasten duten umeei.
Beren izenean gutun bat etxean jasotzen dutenean udal liburutegira joan daitezke euren opariaren bila, hots, bi ipuin, bata gaztelaniaz eta bestea euskaraz.
Gainera, hartuko duten gutunari erantsita inprimaki bat joango da oraindik bazkide ez diren umeei bazkide egiteko aukera emanez, udal zerbitzu honek eskaintzen dien guztiaz gozatzen jarraitu ahal izateko.